بەرێوبەرایەتیی پۆلیسی هەولێر ڕایدەگەیەنێت، كەسێكیان دەستگیركردووە كە تۆمەتباربووە بە دزینی 5 ئۆتۆمبێل
هۆگر عەزیز، وتەبێژی پۆلیسی هەولێر لە كۆنگرەیەكی ڕۆژنامەوانیدا ڕایگەیاند، ئەو كەسە تەمەنی 42 ساڵ بووە و پێشتر لە سلێمانی لەسەر تاوان شەش ساڵ زیندانی كراوە لە ڕووبەڕووبوونەوەیەكی لەگەڵ هێزە ئەمنییەكاندا دەستگیركراوە.
ئاماژەی بەوەشكرد، ئەو كەسە پێنج ئۆتۆمبێلی لە هاوڵاتییان دزیوە كە بە بیانووی كڕین بردوویەتی و نەیگەڕاندووەتەوە و لە ئێستادا تۆمەتبارەكە دانی بە تاوانەكەدا ناوە و پەڕاوی لێكۆڵینەوەی بۆ كراوەتەوە.
