سەرۆكایەتیی شارەوانیی سلێمانی ڕایدەگەیەنێـت، لە ڕێوڕەسمێكدا بەردی بناغەی پڕۆژەی دروستكردنی یەكتربڕی ئارام دانرا.
بەپێی ڕاگەیەندراوێكی سەرۆكایەتیی شارەوانیی سلێمانی كە وێنەیەكی دەست تۆڕی میدیایی ئێستا كەوتووە و تێیدا هاتووە، لە ڕێوڕەسمێكدا بەردی بناغەی پڕۆژەی یەكتربڕی ئارام دانرا.
لە ڕاگەیەندراوەكەدا هاتووە، ئەم یەكتربڕە پێكهاتووە لە ئەندەرپاسێك و فلای ئۆڤەرێك لەسەر شەقامی بازنەیی مەلیك مەحمود لە نزیك نەخۆشخانەی هەرێم و لەسەر ئەركی كۆمپانیای (ئینێرجی ترانزیشن) بە بودجەی زیاتر لە حەوت ملیار دینار لە ماوەی 365 ڕۆژدا دروستدەكرێت.
لە ڕاگەیەندراوەكەدا هاتووە، دروستكردنی ئەم یەكتربڕە دەبێتە هۆی چارەسەركردنی كێشەی (U-turn)ی دوو ئاراستەی سەر شەقامی بازنەیی مەلیك مەحمود نزیك نەخۆشخانەی هەرێم و سەربەستكردنی هاتوچۆی شەقامی مەلیك مەحمود كە ڕۆڵێكی گرنگ دەگێرێت لە كەمكردنەوەی قەڕەباڵغی لە شەقامەكەدا.
