وەزارەتی بازرگانیی هەرێم سەرجەم ئەو جوتیارانە ئاگاداردەكاتەوە كە گەنمیان ڕادەستی سایلۆی هەولێر كردووە و داوادەكات سبەینێ سەردانی سایلۆ بكەن بەمەبەستی وەرگرتنی چەكی پارەی ساڵی 2022.
بەپێی ڕاگەیەندراوێكی وەزارەتی بازرگانیی هەرێم كە وێنەیەكی دەست تۆڕی میدیایی ئێستا كەوتووە و تێیدا هاتووە، ئاگاداری جوتیارەكان دەكەینەوە كە گەنمیان ڕاستی سایلۆی هەولێر كردووە بۆ وەرگرتنی چەكی پارەی ساڵی 2022 ژمارە 2632 سبەینێ سەردانی سایلۆ بكەن.
لە ڕاگەیەندراوەكەدا هاتووە، دابەشكردنی پارەكە بەسەر جوتیاراندا لە سبەینێوە دەستپێدەكات.
