وەزارەتی تەندروستیی هەرێمی کوردستان هەڵمەتێکی کوتان دژی نەخۆشییەکانی ئیفلیجیی منداڵان و کۆرۆنا دەستپێدەکات و تا کۆتایی ئەمساڵ بەردەوامدەبێت.
لە لێدوانێکی ڕۆژنامەوزنیدا سامان بەرزنجی وەزیری تەندروستیی هەرێمی کوردستان ڕایگەیاند، ئەو هەڵمەتی کوتانە بە هەماهەنگی لەگەڵ ڕێکخراوی یونسێف دەبێت و گەورەترین هەڵمەتی کوتانە، کە سەرتاسەری هەرێمی کوردستان دەگرێتەوە.
بەپێی وەزیری تەندروستی، هەڵمەتەکە تا کۆتایی ئەمساڵ بەردەوام دەبێت، کوتانە دژی هەردوو نەخۆشیی ئیفلیجیی منداڵان و کۆرۆنا، باسی لەوەشکردووە، کوتان دژی کۆرۆنا لە ماوەی ڕابردوودا کەمیکردووە، داواشی لە هاوڵاتییان کرد ڤاکسین دژی کۆرۆنا وەربگرن.
وەزارەتی تەندروستی بۆ هەڵەمەتەکە، ژمارەیەکی زۆر لیژنە پێکدەهێنێت کە سەرجەم شار و شارۆچکەکانی هەرێمی کوردستان بگرێتەوە و هەر لیژنەیەکیش لە شەش کەس پێکدێن.
