ژنێكی دانیشتووی شارۆچكەی تەلەعفەر هاوسەرەكەی خۆی كوشت.
بەپێی زانیارییەكان، پیاوەكە لە خەودا بووە و هاوژینەكەی بە خەوتوویی بە قاچی “مقەست” پەلاماریداوە و كوشتوویەتی.
سەرچاوەیەكی ئەمنی لە پارێزگای نەینەوا ڕایگەیاند، ژنەكە تەمەنی 35 ساڵە و بەدەست تەنگژەی دەروونییەوە دەناڵێنێت و ڕاپۆرتی پزیشكیی هەیە لەو بارەیەوە.
سەرچاوەكە ئاشكرایكرد، ئەو ژنە هاوسەرەكەی بە مقەستی قژبڕین كوشتووە و دوای چەند كاتژمێرێك لە ئەنجامدانی “تاوان”ـەكە، لە لایەن هێزە ئەمنییەكانەوە دەستگیركراوە و لێكۆڵینەوە لە ڕووداوەكە دەكرێت.
