وادەی كردنەوەی دەرگای خوێندنی باڵای ماستەر و دكتۆرا لە هەرێم ئاشكراكرا

وەزارەتی خوێندنی باڵا داوای پلانی خوێندنی بەرایی و باڵا لە زانكۆكان دەكات، بەرپرسێكی باڵای وەزارەتەكە دەڵێت، لەمساڵی خوێندندا دەرگای خوێندنی دبلۆمی باڵا، ماستەر و دكتۆرا دەكەنەوە.

د. توانا نەجەف بەڕێوەبەری گشتیی فەرمانگەی كارگێڕی و دارایی وەزارەتی خوێندنی باڵا و توێژینەوەی زانستی بە تۆڕی میدیایی ئێستای ڕاگەیاند، لە دوایین كۆبوونەوەی ئەنجومەنی وەزارەت داوای دوو پلانیان لە زانكۆكان كردووە، پلانێك دەربارەی خوێندنی بەرایی كە دبلۆم و بەكالۆریۆس دەگرێتەوە، پلانی دووەمیش خوێندنی باڵایە كە دبلۆمی باڵا، ماستەر و دكتۆرا دەگرێتەوە.

وتیشی، “لە هەردووكیاندا زانكۆكان پلانی خۆیان و توانای وەرگرتنی خوێندكارانمان بۆ دەخەنەڕوو، پاشان بڕیار لەبارەی شێواز و جۆری وەرگرتن دەدرێت”.

د. توانا ئەوەشی خستەڕوو، بەپێی كۆتا كۆبوونەوەی ئەنجومەنی وەزارەت، لەمساڵی خوێندندا (2022/2023) دەرگای خوێندنی باڵا دەكرێتەوە، بەڵام پڕۆسەكە هەندێك كات و ئیشی زۆرتری دەوێت بەراورد بە خوێندنی بەرایی.

ڕێنماییەكانی وەرگرتن لە خوێندنی باڵا لەلایەن وەزیری خوێندنی باڵاوە هەندێك ئاسانكاری تیاكراوە، وەك ئەوەی بەڕێوەبەرە گشتییەكەی وەزارەتی خوێندنی باڵا ئاماژەی پێدا و وتی، دوای ناردنی پلان لە زانكۆكانەوە، پلانەكە ڕادەگەیەندرێت و ئەوكات هەموو كەسێك بەپێی مەرجەكان دەتوانێت داواكاری وەرگرتن پێشكەش بكات.

دووپاتیشیكردەوە، “دەستمان بە پڕۆسەكە كردووە، هەر گۆڕانكارییەكیش هەبێت لە سایتی وەزارەتی خوێندنی باڵا ڕایدەگەیەنین”.

دەربارەی كاراكردنی سیستمی زانكۆلاین-یش بۆ دەرچووانی ئامادەیی، د. توانا نەجەف وتی، دوابەدوای دەرچوونی ئەنجامی خولی دووەمی تاقیكردنەوەكانی 12ی ئامادەیی و دەرچوونی ئەنجامەكان، سیستمی زانكۆلاین كارادەكەن.

ڕۆژی شەممەی هەفتەی داهاتوو خولی دووەمی تاقیكردنەوەكانی 12ی ئامادەیی دەستپێدەكات و بڕیارە دواتر لەلایەن بەشی ئەزموونەكانەوە ئەنجامەكان ڕەوانەی وەزارەتی خوێندنی باڵا بكرێت، پاشان لەسەر بنەمای پلانی زانكۆكان و كۆنمرە خوێندكارانی دەرچووی ئامادەیی كێبڕكێ لەسەر كورسی كۆلێج و بەشەكانی زانكۆ و پەیمانگاكان دەكەن.

بابەتی پێشتر

حكومەتی هەرێم ڕەزامەندیدا بڕە پارەیەك خەرجبكرێت

بابەتی دواتر

ئەردۆغان دەگاتە ئۆكرانیا

بابەتی پەیوەندیدار
زیاتر ببینە

سەفین دزەیی: پێویستە حکومەتی فیدڕاڵ ڕێوشوێنی خێرا بگرێتەبەر بۆ ڕێگریکردن لە مووشەکبارانكردنی كۆرمۆر

به‌رپرسی فه‌رمانگه‌ی په‌یوه‌ندییه‌كانی ده‌ره‌وه‌ی حكومه‌تی هه‌رێم ئیدانەی هێرشی مووشەکی بۆ سەر کێڵگەی غازی کۆرمۆر دەکات و دەڵێت، “پێویستە…
Total
1
Share