فەرهاد شامی وتەبێژی هێزەکانی سوریای دیموکرات “هەسەدە”، لە بۆردومانی تورکیا بۆ سەر کۆبانێ منداڵێک گیانیلەدەستداوە و ژمارەیەکیش برینداربوون.
ڕوانگەی سوری بۆ مافەکانی مرۆڤ ڕایگەیاند، پێکدادانی قورس و بۆردومانی چڕی کۆبانێ کراوە، پێکدادانەکە لەنێوان هێزەکانی سوریای دیموکرات و هێزەکانی تورکیا بووە.
ئیدارەی خۆبەڕێوەبەریی ڕۆژئاوای کوردستان بەرپرسیارێتیی ڕووبەڕووبوونەوەی هێرشەکانی تورکیا لەئەستۆدەگرێت، لەگەڵ بوونی هێزەکانی هاوپەیمانی دژی داعش و ڕوسیا لە ناوچەکە، بۆیە داوادەکات هاوپەیمانان و ڕوسیا دەستێوەردان بکەن و پێشێلکارییەکانی تورکیا ڕابگرن.
وتەبێژەکەی هەسەدە باس لەوەدەکات، هێرشەکانی تورکیا لە درێژەی ئەو کارە دوژمنکارانەیەتی کە مەبەستییەتی خەڵکی ناوچەکە بڕۆن و ئەو ناوچەیە چۆڵبکەن.
ڕوانگەی سوری ڕۆژی هەینی ئاماژەی بەوەکرد، کە جوڵەی هێزەکانی تورکیا و هیزە سورییەکانی سەر بە تورکیا هەیە بەرەو ناوچەکانی سنووری هەسەدە.
