ڕێبەری ڕەوتی سەدر پەیامێك ئاراستەی لایەنگرانی چێوەی هەماهەنگیی شیعەكان دەكات و ڕایدەگەیەنێت، “ئێمە و لایەنگرانی چێوەی هەماهەنگیی شیعەكان كۆكین لەسەر ئەوەی گەندەڵی هەیە و پێویستە خۆپیشاندانەكانتان بە هێمنی ئەنجامبدەن”.
موقتەدا سەدر ڕێبەری ڕەوتی سەدر لە تویتەرەوە پەیامێكی ئاراستەی لایەنگرانی چێوەی هەماهەنگی كرد و ڕایگەیاند، خۆپیشاندان بۆ چاكسازی بكەن و بە هێمنيی خۆپیشاندان ئەنجامبدەن.
لە پەیامەكەی موقتەدا سەدردا هاتووە و دەڵێت، “ئێمە و لایەنگرانی چێوەی هەماهەنگی شیعەكان لەسەر بوونی گەندەڵی كۆكین و ئێمە لەگەڵ سەركردەكانی چێوەی هەماهەنگیی شیعەكان ناكۆكین”.
وتیشی، “پێمان سەیرە جەماوەری چێوەی هەماهەنگيی شیعەكان پاڵپشتیمان ناكەن بۆ ڕزگاركردنی نیشتمان، چونكە عێراق بووەتە دیلی داگیركەر و تیرۆر و گەندەڵی”.
