بەڕێوەبەرایەتیی گشتیی كەشناسی و بومەلەرزەزانیی هەرێم ڕایدەگەیەنێت، ئەمڕۆ و سبەینێ ئاسمان ساماڵ دەبێت و پلەكانی گەرما بەرزدەبنەوە.
بەپێی ڕاگەیەندراوێكی بەڕێوەبەرایەتیی گشتیی كەشناسی و بومەلەرزەزانیی هەرێم كە وێنەیەكی دەست تۆڕی میدیایی ئێستا كەوتووە و تێیدا هاتووە، ئەمڕۆ هەینی، ئاسمان بە شێوەیەكی گشتیی ساماڵ دەبێت لەگەڵ بوونی تۆز و خۆڵێكی سووك بە تایبەتی لە ناوچەكانی باشووری هەرێمی كوردستان.
ئاماژە بەوەشكراوە، پلەكانی گەرما نزیكدەبێتەوە لە تۆماركراوەكانی دوێنێ.
لە ڕاگەیەندراوەكەدا هاتووە، سبەینێ شەممە، ئاسمان ساماڵ دەبێت لەگەڵ بوونی تۆز و خۆڵێكی سووك بە تایبەتی لەناوچەكانی باشووری هەرێمی كوردستان و پلەكانی گەرما بەرز دەبێتەوە بە بەراورد بە تۆماركراوەكانی ڕۆژی پێشوو.
بەرزترین پلەكانی گەرمای پێشبینیكراو بە پلەی سیلیزی:-
هەولێر / 42 پلە
سلێمانی/ 43 پلە
دهۆك /41 پلە
كەركوك / 45 پلە
زاخۆ / 44 پلە
هەڵەبجە / 45 پلە
سۆران 41 پلە
ڕاپەرین / 42 پلە
گەرمیان/ 47 پلە
