وەزیری بەرگریی عێراق داوا لە فەرماندە سەربازییەكان دەكات خۆیان لە ناكۆكییە سیاسییەكان بەدووربگرن.
ئەمڕۆ پێنجشەممە، جومعە عیناد وەزیری بەرگریی عێراق لەگەڵ فەرماندە سەربازییەكان و جێگرانی سەرۆك ئەركان و بەڕێوەبەری هەواڵگریی سەربازیدا كۆبووەوە و داوایكرد خۆیان لە ناكۆكییە سیاسییەكان بەدووربگرن، وتیشی، “عێراق بە دۆخێكی چەقبەستووی مەترسیداردا تێدەپەڕێت”.
وەزیری بەرگریی عێراق ڕاشیگەیاند، “ئەركی هێزەكانی سوپای عێراق بەرگریكردنە لە گەل و نیشتمان و پێویستە سوپا لە سنووری دیاریكراوی خۆیدا خزمەتبكات و ڕووبەڕووی تیرۆریستانی داعش ببنەوە”.
