بەپێی ئەو زانیارییانەی لە یەكێك لە بانكەكانەوە بە تۆڕی میدیایی ئێستا دراون، خشتەی تایبەت بە دابەشكردنی مووچەی لیوا هاوبەشەكان بۆ مانگی سێ ئاراستەی بانك كراوە و چاوەڕواندەكرێت لە رۆژی دووشەممەوە دەست بە دابەشكردنی مووچەی لیوا هاوبەشەكان بكرێت.
لە زانیارییەكاندا هاتووە، سبەینێ یەكشەممە، نووسراودەكرێت بە مەبەستی پارەداركردنی بانك و رۆژی دووشەممە دەست بە دابەشكردنی مووچەی مانگی ئازاری لیوا هاوبەشەكانی پێشمەرگە دەكرێت.
ئاماژە بۆ ئەوەش كراوە، مووچەی لیوا هاوبەشەكان لەلایەن هاوپەیمانانەوە پارەی پێویستی بۆ تەرخاندەكرێت و بڕیارە لەم هەفتەیە ئەگەر هیچ پێشهاتێك نەیەتە پێشەوە دەست بەدابەشكردنی مووچەی مانگی ئازاری مووچەخۆرانیش بكرێت.
