دوای تێپەڕینی زیاتر لە 50 ڕۆژ و بەهۆی نەدانی موچەکانیانەوە، فەرمانبەرانی ژمارەیەک لە بەرێوبەرایەتییەکان لە سلێمانی بایکۆتی دەوامیان ڕاگەیاند و لەئێستادا هیچ جۆرە مامەڵەیەک تیایاندا ڕایی ناکرێت.
دوای تێپەڕینی زیاتر لە 50 ڕۆژ و بەهۆی نەدانی موچەکانیانەوە، فەرمانبەرانی ژمارەیەک لە بەڕێوەبەرایەتییەکان لە شاری سلێمانی بایکۆتی دەوامیان ڕاگەیاند و لەئێستادا هیچ جۆرە مامەڵەیەک تیایاندا ڕایی ناکرێت.
بەپێی زانیارییەکان، لەئێستادا هەریەک لە بەڕێوبەرایەتییەکانی کارەبا، دادنوس، بانکەکان، شارەوانییەکان و چەند كۆلێج و دامودەزگایەكی زانكۆی سلێمانی دەوامیان ڕاگرتووە تا ئەو کاتەی موچەکانیان پێدەدرێت.
سەرەڕای ئەوەش کارمەندانی ژمارەیەک بەڕێوبەرایەتیش بەنیازی ئەنجامدانی بایکۆتن تا ئەو کاتەی موچەکانیان وەردەگرن ئەوانیش، بەرێوبەرایەتی پۆلیسی هاتوچۆ، بەڕێوبەرایەتی ئاو، بەڕێوبەرایەتی باجی خانوبەرە، تاپۆ و دادگا، دەستەی گەشتوگوزار و دەستەی وەبەرهێنان کە لەئێستادا دەوام تیایاندا ئاساییە.
هەندێک لە فەرمانگەکان لە ڕۆژی چوارشەممەدا دەستیاندایە مانگرتن، لەوانە کارەبا، ئاو، دادگا و دادنوس، بەڵام ژمارەیەکیان بایکۆتەکەیان شکاند.
