دوای سەردانەكەی نانسی پیلۆسی سەرۆكی ئەنجومەنی نوێنەرانی ئەمریكا بۆ تایوان، دەسەڵاتدارانی چین ژمارەیەك بڕیاریان دژی ئەمریكا دەركرد و لە گرنگترینیان ڕاگرتنی گفتوگۆی ئاسایشی كەشتیوانییە لەگەڵ ئەمریكا.
ئەمڕۆ هەینی، حكومەتی چین بڕیاریدا گفتوگۆی سەربازیی لەگەڵ ئەمریكا و كاری هاوبەش بۆ بنبڕكردنی تاوان لە سنوورەكان لەگەڵ ئەمریكا ڕابگرێت.
ئاماژە بەوەشكراوە، “چین بڕیاریدا گفتوگۆی ئاسایشی كەشتیوانیی لەگەڵ ئەمریكا ڕابگرێت”.
جەختیكردووەتەوە، مانۆڕە سەربازییەكانی چین لە دوورگەی تایوان بەردەوامدەبن.
