نوێنەری تایبەتی نەتەوەیەكگرتووەكان لە عێراق، بەمەبەستی كۆبوونەوە لەگەڵ ڕێبەری ڕەوتی سەدر گەیشتە حەنانە لە پارێزگای نەجەف.
میدیاكانی عێراق بڵاویانكردووەتەوە، كەمێك پێش ئێستا جێنین پلاسخارت نوێنەری تایبەتی نەتەوەیەكگرتووەكان لە عێراق بەمەبەستی كۆبوونەوە لەگەڵ موقتەدا سەدر ڕێبەری ڕەوتی سەدر گەیشتە حەنانەی نەجەف، بڕیارە لە كۆبوونەوەكەیاندا دۆخی سیاسیی عێراق و ئاڵۆزییەكانی چەند ڕۆژی ڕابردوو تاوتوێبکەن.
شەوی ڕابردوو، لە شاری بەغداد جێنین پلاسخارت نوێنەری تایبەتی نەتەوەیەكگرتووەكان لە عێراق لەگەڵ هادی عامری، سەرۆكی هاوپەیمانیی فەتحدا كۆبووەوە.
