ڕاوێژكارێكی سەرۆكی ئەنجومەنی وەزیران، لێدوانێكی نوێی لەبارەی دامەزراندنەوە دا و دەڵێت، پەیوەندیی بە بودجەوە نییە.
هەیسەم جبوری ڕاوێژكاری هونەریی مستەفا كازمی سەرۆك وەزیرانی عێراق ڕایگەیاند، جێگیركردنی ئەو فەرمانبەرانەی بە گرێبەست كاردەكەن، لەگەڵ پیشەوەرانی تەندروستی و كەرتی پزیشكی و هەڵگرانی بڕوانامە باڵاكان و یەكەمەكان، پەیوەست نییە بە بودجەوە و بەبێ پەسەندكردنی بودجە جێگیردەكرێن.
لە چەند ڕۆژی ڕابردوودا حكومەتی ناوەندی بڕیاری دا فەرمانبەرانی گرێبەست و كرێی ڕۆژانە و چەند توێژێكی دیكەی فەرمانبەران بە شێوەی فەرمیی دابمەزرێندرێن و لە پلەكانیاندا جێگیربكرێن.
