ڕێکخراوی سی پی تی لەبارەی بۆردومانەکەی ئەمڕۆی ڕانیە ڕایگەیاند، بۆردومانەکە تورکیا ئەنجامی داوە و بەهۆیەوە “هاوڵاتییەک بریندارە و برینەکەی سەختە”.
ڕێکخراوەکە باسی لەوەکردووە، “جگە لەوەی پیاویکی تەمەن 52 ساڵ لە بۆردومانەکەدا بەسەختی برینداربووە، بریندارێکی دیکە هەیە”.
ڕاشیگەیاندووە، “بەپێی قسەی شایەتحاڵەكان، لەو بۆردومانەدا بریندارێكی تریش لە ئۆتۆمبێلەكەدا بووە بەڵام لە ئێستادا نادیارە”.
سی پی تی لەبارەی ناسنامەی قوربانییەکانەوە دەڵێت، ناو و ناسنامەی قوربانییەكان تا ئێستا بەتەواوی ئاشكرا نەكراون.
