دەستەی کەشناسیی عێراق کەشوهەوای پارێزگاکانی عێراق و هەرێمی کوردستانی بڵاوکردەوە، پێشبینی دەکات لە ڕۆژی هەینیدا بارانبارین لە هەندێک ناوچە دەستپێبکات.
بەپێی پێشبینییەکانی دەستەی کەشناسیی عێراق سبەینێ سێشەممە ئاسمان لە هەرێمی کوردستان و ناوەڕاست و باشوور ساماڵ دەبێت و پلەکانی گەرما هاوشێوەی ڕۆژانی پێشوو دەبێت.
ڕۆژی چوارشەممە ئاسامان ساماڵ دەبێت لەگەڵ هەندێک پەڵەهەور، پلەکانی گەرما بەرزدەبنەوە.
ڕۆژی پێنجشەممەش ئاسمان ساماڵ دەبێت و پلەکانی گەرما لە باشووی عێراق بەرزتردەبنەوە، بەڵام لە ڕۆژی هەینیدا ئاسمان لە ساماڵەوە دەگۆڕێت بۆ هەور و لە ناوچەکانی باشووری عێراق باران دەبارێت.
بەڕێوەبەرایەتیی گشتیی کەشناسی و بومەلەرزەزانیی هەرێمی کوردستانیش ڕایگەیاند، ئەمڕۆ لە هەرێمی کوردستان ئاسمان ساماڵ دەبێت لەگەڵ بوونی تۆزێکی سووک، سبەینێ ئاسمان ساماڵ دەبێت و پلەکانی گەرما هاوشێوەی ڕۆژانی پێشوو دەبێت.
