فڕۆکەیەکی بێفڕۆکەوان ئۆتۆمبێلێکی لەسەر ڕێگەی چوارقوڕنە – ڕانیە کردە ئامانج.
پەیامنێری تۆڕی میدیایی ئێستا لە ڕانیە گواستییەوە، فڕۆکەیەکی بێفڕۆکەوان ئۆتۆمبێلێکی تایبەتی لە جۆری تۆیۆتا لاندکروزەر لە نزیک گارێکسی ڕانیە لەسەر ڕێگای چوارقوڕنە بۆ قوڕەگۆ کە بە شەقامی قایدی ناسراوە کردە ئامانج.
سەرچاوەیەک لە تەندروستیی ڕانیە بە تۆڕی میدیایی ئێستای وت، لە هێرشەکەدا دوو کەس برینداربوون کە یەکێکیان برینەکەی سەختە و ئەوی تریان دوای وەرگرتنی چارەسەر ڕەوانەی ماڵەوە کراوە.
بەپێی زانیارییەکانی تۆڕی میدیایی ئێستا، لە ئۆتۆمبێلەکەدا دوو کەس هەبوون کە ئەندامی پەکەکە بوون.
