یەكێك لە دەوڵەمەندترینەكانی لیستی فۆڕبس و بازرگانی ئۆكرانی بەهۆی كەوتنەوەی مووشەكێك بەسەر كۆشكەكەیدا كوژرا.
میدیاكان لە زاری ئەلكسەندەر سینكیڤیچ سەرۆكی شارەوانیی نیكۆلایڤ ڕایگەیاند، ئەلێكسی ڤاداتۆرسكی خاوەنكاری ئۆكرانی و هاوسەرەكەی شەوی ڕابردوو بەهۆی كەوتنەی مووشەكێك بەسەر خانووەكەیاندا لە ناوچەی نیكۆلایڤ كوژراون.
تائێستا وردەكاریی ڕووداوەكە ڕوون نییە، بەڵام بەپێی هەندێك میدیا مووشەكێكی ئۆكرانی دژە فڕۆكەی S-300 بەسەر كۆشكەكەی ڤاداتۆرسكی-دا كەوتووەتە خوارەوە.
ئەلێكسی ڤاداتۆرسكی خاوەنكاری نێو لیستی فۆڕبس و خاوەنی گەورەترین كۆمپانیای بازرگانیی دانەوێڵە و خاوەنی كۆمپانیای نیبۆلۆنی كشتوكاڵی لە ساڵی 2021دا سامانەكەی بە 450 ملیۆن دۆلار خەمڵێندرا.
