شارەزایەكی بواری ئابوری لەبارەی دۆخی ئابوریی عێراقەوە هۆشداریدەدات و ئاشكرایدەكات حكومەت لە باشوور و ناوەڕاستی عێراق دووچاری ئیفلیج بوون دەبێت.
ئەكرەم ئەلسەعدی شارەزا و پسپۆڕی بواری ئابوری لە عێراق ڕایگەیاند، گەماڕۆدانی ناوچەی سەوزی بەغداد پێشهاتێكی مەترسیدارە و لێدانە لە دڵی حكومەت و دامەزراوەكانی دەوڵەت و لە داهاتوودا حكومەتی عێراق دووچاری ئیفلیج بوون دەكات.
ئاماژەی بەوەشكرد، عێراق پشت بە داهاتی نەوتی فرۆشراو دەبەستێت و نرخەكەشی لەسەر ئاستی جیهان جێگیر نییە كە دواجار هەڕەشەیە لەسەر ئابوریی وڵات بەشێوەی ڕاستەوخۆ و ناكۆكی لایەنە سیاسییەكانیش هۆكارێكی دیكەیە بۆ سەرهەڵدانی قەیرانی ئابوری لە عێراقدا.
