ھەسەدە دەستگیرکردنی گرووپێكی سێ كەسییان ڕاگەیاند کە کاری سیخوڕییان بۆ تورکیا کردووە.
لە ڕاگەیەندراوێكدا هێزەكانی سوریای دیموكرات هەسەدە ڕایگەیاندووە، هێزەكانیان گرووپێكی سێ كەسییان دەستگیركردووە كە كاری سیخوڕییان بۆ توركیا كردووە.
ئاماژەی بەوەشكردووە، بەھۆی زانیارییەکانی گرووپەكەوە ھێرشی فڕۆکە بێفڕۆکەوانەکانی تورکیا بۆ سەر بارەگای ئەنجومەنی سەربازی تەل تەمر کراون.
هاوكات مەزڵوم کۆبانی فەرماندەی گشتیی ھەسەدە ڕایگەیاندووە، ھێرشی فڕۆکەی بێفرۆکەوانەکانی تورکیا ڕێگر نابێت لە ھەوڵەکانیان بۆ پاراستنی خاکەکەیان.
