لێپرسراوی ڕاگەیاندنی بەرگریی شارستانيی دهۆك ڕایدەگەیەنێت، گەنجێكی تەمەن 24 ساڵ لە ئاوی ڕووباری خاپووردا خنكا.
بێوار عەبدولعەزیز، لێپرسراوی ڕاگەیاندنی بەرگریی شارستانیی دهۆك لە لێدوانێكدا بە تۆڕی میدیایی ئێستای ڕاگەیاند، كاتژمێر 1ی پاشنیوەڕۆی ئەمڕۆ هەینی، گەنجێكی تەمەن 24ساڵی لە ئاوی ڕووباری خاپووردا لە زاخۆ خنكا.
ئاشكرایكرد، دوای تێپەربوونی یەك كاتژمێر بەسەر خنكاندنی گەنجەكە لەلایەن تیمی غەواسی زاخۆوە تەرمەكەی دۆزرایەوە.
بەپێی دوایین ئامارەكانی بەرگریی شارستانیی دهۆك ، لەسەرەتای ئەمساڵەوە تاوەكو ئێستا 17كەس لە ئاوی ڕووبار و بەنداوەكانی سنووری پارێزگاكە خنكاون.
