وەزیری پەروەردەی هەرێم ڕایدەگەیەنێت، خوێندكارانی ئێواران و “تەحسین معدل” بەپێی ڕێنماییەكان ناویان لە ڕیزبەندیی خوێندكارە یەكەمەمان ناخوێندرێتەوە.
دوای ئەوەی بڵاوكرایەوە خوێندكارێك كۆنمرەی 624 بووە و ناوی لە ڕیزبەندیی خوێندكارە یەكەمەكان لەسەر ئاستی هەرێمی كوردستان نەبووە، لەكاتێكدا لەڕیزبەندییەكەی وەزارەتی پەروەردە خوێندكاری تێدابووە كۆنمرەی 622 بووە.
ئالان حەمەسەعید وەزیری پەروەردەی هەرێم وەڵامی ئەو كەسانەی داوەتەوە و نووسیویەتی، “پیرۆزبایی لەو خوێندكارە دەكەم و هیوای سەركەوتنی بۆ دەخوازم، بەڵام بەپێی ڕێنماییەكانی وەزارەتی پەروەردە ئەو خوێندكارانەی لە خوێندنی ئێوارانن یاخود “تەحسین معدل”یان بۆ كراوە ناویان لە ڕیزبەندیی یەكەمەكان ناخوێندێتەوە”.
ئاماژە بەوەشكراوە، ئەو خوێندكارە بەڵێنی پێدراوە كێشەكەی بۆ چارەسەربكرێت.
