بافڵ جەلال تاڵەبانی سەرۆكی یەكێتیی نیشتمانیی كوردستان لە ماڵی مام لە بەغداد پێشوازیكرد لە دكتۆر فواد حسێن وەزیری دەرەوەی عێراق.
لە كۆبوونەوەكەدا دۆخی سیاسیی عێراق و هەرێم، تەواوكردنی ڕێكارە یاسایی و دەستوورییەكان بۆ پێكهێنانی حكومەتی نوێ و پرسی هەڵبژاردنی سەرۆك كۆمار گفتوگۆیان لەبارەوە كرا.
لە درێژەی كۆبوونەوەكەدا جەخت لە یەكخستنی هەوڵەكان، لێكتێگەیشتن و سازان لەسەر بنەمای هاوبەشیی ڕاستەقینە كرایەوە تاوەكو حكومەتێكی نیشتمانیی خزمەتگوزار دروستبكرێت كە ببێتە مایەی سەقامگیری و خۆشگوزەرانی بۆ خەڵك.
تەوەرێكی دیكەی كۆبوونەوەكە تایبەت بوو بە پارێزگاریكردن لە مافە دەستوورییەكانی كورد لە عێراق و هەردوولا لەسەر یەك گوتاری و یەك هەڵویستی كورد هاوِرابوون.
