ئەمڕۆ پێنجشەممە هێزە ئەمنییەکانی خانەقین، بڕێکی زۆری تەقەمەنییان تەقاندەوە كە لە كارگەیەكدا دەستیان بەسەردا گیرابوو.
لە ناو ئەو کارگەیەی خانەقین كە تایبەتە بە دروستكردنی یاریی ئاگرین و لە چەند ڕۆژی ڕابردوودا تەقییەوە و دوو کەس گیانیان لەدەستدا، هێزە ئەمنییەکانی خانەقین دەستیان گرت بەسەر بڕێكی زۆری تەقەمەنیدا.
ئەمڕۆ پێنجشەممە هێزە ئەمنییەكانی قەزای خانەقین ئەو تەقەمەنییانەیان گواستووەتەوە بۆ شوێنێكی دەرەوەی شار و بە شێوەیەكی ئەندازەیی و بەبێ زیانی گیانی و ماددی تەقاندوویاننەتەوە.
لە چەند ڕۆژی ڕابردوودا کارگەیەکی یاریی ئاگرین لە خانەقین تەقییەوە، بەهۆیەوە دوو کەس گیانیان لەدەستدا و سێ کەسیش برینداربوون.
