بەهۆی پێكدادانی دوو پاسەوە 28 كەس لە پارێزگای هەولێر برینداربوون.
ئەمڕۆ پێنجشەممە تەندروستیی سۆران ڕایگەیاند، بەهۆی ڕووداوێکی هاتوچۆوە لە جۆری پێكدادان 28 كەس برینداربوون و بەپێی زانیارییەكان برینی دووانیان كە شۆفێرانی هەردوو پاسەكە بوون سەختن و لە ژێر چاودێریی پزیشكیدان.
بەپێی لێدوانی تەندروستیی سۆران، ڕووداوەكە لە جۆری پێكدادان بووە لە نێوان دوو پاسدا و لە نزیك گەلی عەلی بەگ ڕوویداوە، یەكێك لە دوو پاسەكە سەر بە وەزارەتی پێشمەرگەیە و ئەوی دیكەیان سەرجەم سەرنشینەكانی خوێندكاری كچن.
