وەزارەتی دەرەوەی توركیا داوا لە دەسەڵاتدارانی عێراق دەكات كونسوڵخانە و نوێنەرایەتییە دیبلۆماسییەكانی لە عێراق بپارێزێت.
بەپێی ڕاگەیەندراوێكی وەزارەتی دەرەوەی توركیا تێیدا هاتووە، “بەتوندترین شێوە سەركۆنەی هێرشە مووشەكییەكەی سەر كونسوڵخانەی توركیا لە موسڵ دەكەین كە شەوی ڕابردوو كرایە سەر كونسوڵخانەكەمان”.
لە ڕاگەیەندراوەكەدا هاتووە، ” داوا لە دەسەڵاتدارانی عێراق دەكەین كونسوڵخانە و نوێنەرایەتییە دیبلۆماسییەكانمان بپارێزن.
هاوكات وەزارەتی دەرەوەی توركیا داوا دەكات بەرپرسیارانی ئەو هێرشە دەستگیربكرێن و بدرێنە دادگا.
