میرنشینی دوبەی، تاكسیی بێشۆفێری بە فەرمی خستەكار.
دەستەی ڕێگاوبان و گواستنەوەی دوبەی ڕایگەیاند، تاكسیی بێشۆفێری بە فەرمی خستەكار و ڕێككەوتنی لەگەڵ كۆمپانیای كروزی ئەمریكیدا كردووە بۆ خستنەكاری دوو ئۆتۆمبێلی خوودكاری جۆری شۆڤیرلێت بۆڵت.
ئەو دوو ئۆتۆمبێلە بێشۆفێرەی ئەمڕۆ یەكشەممە لە دوبەی خرانەكار، وەك تاكسی كاردەكەن و حكومەتی میرنشینەكەی ئیمارات پلانی هەیە تا ساڵی 2030، ڕێژەی 25%ی خزمەتگوزاریی تاكسی بكات بە سیستمی زیرەك و گواستنەوە بە ئۆتۆمبێلی بێشۆفێر بكرێت.
ساڵی ڕابردوو دەسەڵاتدارانی ئیمارات ڕایانگەیاندبوو، دەبنە دووەم وڵاتی جیهان دوای ئەمریكا كە تاكسیی بێشۆفێر بخەنەكار و لە ماوەی ڕابردوودا خزمەتگوزارییەكە بە شێوەی ئەزموونی كاراكرا، دواتر كۆمپانیای كروز و حكومەتی دوبەی سەركەوتنی تاقیكردنەوەكەیان ڕاگەیاند.
