وەزارەتی ناوخۆی هەرێم ڕێنمایی تایبەت بە چەكی بێمۆڵەتی بڵاوكردەوە و ڕایدەگەیەنێت، لە شارەكانی هەرێم 52 بنكە بۆ كۆكردنەوەی چەكی بێمۆڵەت دادەنرێن.
وەزارەتی ناوخۆ بە نوسراوی ژمارە (15542) لە 21ی تەمموز ڕێنمایی داماڵینی چەكی جەنگی و تۆماركردنی چەكی ئاگرین-ی بڵاوكردەوە بەمەبەستی نەهێشتنی دیاردەی چەكداری و هێشتنەوەی چەك تەنها لەدەست هێزە چەكدارەكانی هەرێم.
بەپێی ڕێنماییەكە 12 بنكە بۆ كۆكردنەوەی چەكی جەنگی و 40 بنكە بۆ كۆكردنەوەی چەكی ئاگرین لە پارێزگاكان و ئیدارە سەربەخۆكان دەكرێنەوە.
سەبارەت بە چەكی تۆماركراویش لە ڕێنماییەكەدا هاتووە، لای خاوەنەكەی دەمێنێتەوە بەمەرجێك بەڵێننامە پڕبكاتەوە كە چەكەكەی لەماڵەوە دابێنت و بەهیچ شێوەیەك هەڵینەگرێت و بەكارینەهێنێت.
دەقی ڕێنماییەكە:
