سەرۆكی ئەنجومەنی نوێنەرانی عێراق ڕتیدەكاتەوە، “وەزیری بەرگری باسی لەوەكردبێت عێراق توانای وەڵامدانەوەی توركیا نییە”.
محەمەد حەلبوسی، سەرۆكی ئەنجومەنی نوێنەرانی عێراق لە ڕوونكردنەوەیەكدا ئاماژەی بەوەكردووە، ” لە تۆڕە كۆمەڵایەتییەكان و میدیاكان وابڵاوكرایەوە كە گوایە وەزیری بەرگری وتوویەتی،”عێراق توانای وەڵامدانەوەی هێرشەکانی تورکیای نییە”، ئەوەش دوورە لە ڕاستییەوە و وەزیری بەرگری قسەی وای نەوتووە.
بە وتەی حەلبوسی، “فەرماندە سەربازییەکان و وەزیری بەرگری هەموو وردەکاریی ڕووداوەکان و ئەو پێداویستیانەی بۆ یەکە سەربازییەکان پێویستیانە خستویانەتە ڕوو، ئەوان چاوەڕێی بڕیاری سیاسی دەکەن”.
ڕۆژی چوارشەممە توركیا بۆردومانی ناوچەیەكی گەشتیاریی سنووری زاخۆی كرد و بەهۆیەوە نۆ گەشتیاری عەرەب كوژران و 23ی دیكەش برینداربوون ئەوەش كاردانەوەی لێكەوتەوە و لەبەشێك لە پارێزگاكان خۆپیشاندان و ناڕەزایەتیی ئەنجامدرا.
