مەسرور بارزانی سەرۆکی حکومەتی هەرێمی کوردستان بەسەرۆکایەتیی شاندێکی باڵا بەرەو بەغداد بەڕێکەوت، ئامانجی سەردانەکەی گفتوگۆکردنە لەگەڵ بەرپرسانی عێراق سەبارەت بە کێشەکانی نێوان هەرێم و بەغداد.
بەپێی ڕاگەیەندراوێکی حکومەتی هەرێمی کوردستان، مەسرور بارزانی بەرەو بەغداد بەڕێکەوتووە ، سەرۆکایەتیی شاندێکی حکومەتی هەرێم دەکات، بڕیارە لە سەردانەکەیدا لەگەڵ مستەفا کازمی سەرۆک وەزیرانی عێراق کۆببێتەوە.
ئاماژە بەوەشکراوە، مەبەستی سەردانەکەی مەسرور بارزانی گفتوگۆکردنە لەپێناو گەیشتن بە چارەسەرێک بۆ کێشە هەڵپەسێردراوەکانی نێوان هەرێمی کوردستان و حکومەتی عێراق لەسەر بنەمای دەستوور بەتایبەتی دۆسیەی نەوت و گاز.
