هاوڵاتییەكی باكووری كوردستان لە ئاوی بەنداوی دهۆک-دا خنکا و تا ئێستا تەرمەكەی نەدۆزراوەتەوە.
بێوار عەبدولعەزیز، بەرپرسی ڕاگەیاندنی بەرگریی شارستانیی دهۆک بە تۆڕی میدیایی ئێستای ڕاگەیاند، کاتژمێر چواری ئێوارەی ئەمڕۆ هەینی، ئاگادارکراونەتەوە لە خنکانی کەسێک لە ئاوی بەنداوی دهۆک-دا.
بەرپرسی ڕاگەیاندنی بەرگریی شارستانیی دهۆک وتی، تیمی نقومەوانان (ژێرئاوگەڕ) سەرقاڵی دۆزینەوەی تەرمی هاوڵاتییەكەن، بەڵام تا ئێستا تەرمەکەی نەدۆزراوەتەوە.
بەپێی وتەی بێوار عەبدولعەزیز، ئەو کەسەی خنکاوە لە تەمەنی گەنجێتیدایە و خەڵکی شاری ئامەدی باکووری کوردستانە و لە كاتی مەلەكردندا خنكاوە.
