هۆكاری هەڵدانی ئاگر لە پەڕەشووتوانەكەوە ئاشكرابوو

ئاسایشی سلێمانی ئەو كەسەی دەستگیركرد كە لە ئاسمانەوە ئاگری پەڕەشووتەكەی كەوتە نێو دارستانی چیای گۆیژەوە و بەشێك لە پووش و پاوانی دارستانەكەی سووتاند.

بەپێی ڕاگەیەندراوێكی بەڕێوەبەرایەتیی ئاسایشی سلێمانی تێیدا هاتووە، كاتژمێر 6ی سەرلەبەیانی ئەمڕۆ هەینی لە چیای گۆیژە ئاگرێك لە پەڕەشووتێك كەوتووەتە خوارەوە و بووە هۆی سووتاندنی بەشێك لە پووش و پاوانی چیاكە و لەلایەن چەند كەسێكەوە ئاگرە كوژێندرایەوە.

لە ڕاگەیەندراوەكەدا هاتووە، دوا بەدوای ڕووداوەكە دەستبەجێ هێزەكانی ئاسایشی سلێمانی بەدواداچوونیان كرد و لە ماوەیەكی كەمدا توانرا پەڕەشووتوانەكەوە بدۆزرێتەوە و دەستگیربكرێت و دوای لێكۆڵینەوە دەركەوت لەدایكبووی ساڵی 1991بووە.

ئاماژە بەوەشكراوە، ئەو كەسە یەكێك بووە لە تیمی یانەی فڕۆكەوانیی سلێمانی بە مەبەستی مەشقكردن هەستاوە بە كاری فڕین و بەهۆی گڕگرتنی كەپسوولی دووكەڵی پەڕەشووتەكەی بەناچاری فڕێی داوەتە خوارەوە و ئەو ڕووداوەی لێكەوتووەتەوە.

هەر لە ڕاگەیەندراوەكەدا هاتووە، ئەو كەسە لەئێستادا لە بەڕێوەبەرایەتیی ئاسایشی سلێمانی ڕاگیراوە بە مەبەستی ئەنجامدانی ڕێكاری یاسایی بەرامبەری

بابەتی پێشتر

مانچستەر یونایتد مارسیال دەهێڵێتەوە

بابەتی دواتر

چێڵسی گرەو كۆندی بردەوە

بابەتی پەیوەندیدار
Total
0
Share