زەریف لەسەر کوژرانی زانا ئەتۆمییەکەی ئێران ئیسرائیلی تۆمەتبار کرد

محەمەد جواد زەریف، وەزیری دەرەوەی ئێران، ئێوارەی ئەمڕۆ هەینی 27ی تشرینی دووەم، ڕایگەیاند کە ئاماژەی جددی ھەیە لەسەر ئەوەی کە ئیسرائیل ڕۆڵی ھەبووە لە ھێرشی ‘تیرۆریستی’ بۆسەر زانای ئەتۆمی، موحسین فەخریزادە.

محەمەد جواد زەریف لە ھەژماری تایبەتی خۆی لە تویتەر پۆستێکی لەبارەی ئەنجامدانی ھێرشی تیرۆریستی بۆ سەر زانای ئەتۆمی ئێرانی، موحسین فەخریزادە لە ناوچەی ئابسەردی دەماوەند لە تاران بڵاوکردەوە.

زەریف ڕایگەیاند کە ئەو زانا ئێرانییە لەلایەن ‘تیرۆریستانەوە’ کراوەتە ئامانج و ڕاشیگەیاند کە ئاماژەی جددی ھەیە لەسەر ئەوەی کە ئیسرائیل ڕۆڵی ھەبووە لەو ھێرشە تیرۆریستییەی کە کراوەتەسەر فەخریزادە.

زانای ئەتۆمی ئێران، موحسین فەخریزادە لە ناوچەی ئابسەردی دەماوەند لە تاران ئێوارەی ئەمڕۆ ڕوبەڕووی ھێرشێک بووەوە و بەم ھۆیەوە گیانیلەدەستدا.

لەلایەکی دیکەوە سەرۆکوەزیرانی ئیسرائیل بنیامین نەتانیاھۆ لەبارەی ئەنجامدانی کوژرانی زانای ئەتۆمی ئێرانی، موحسین فەخریزادە وتی، “ڕۆژانی گرژ چاوەڕوانمان دەکات”.

بەپێی ئەو ھەواڵەی کە دامەزراوەی میدیای حکومی ئیسرائیل KAN بڵاوکراوەتەوە، نەتانیاھۆ ڕایگەیاندووە “دەمەوێ پێتان بڵێم کە لە ڕۆژھەڵاتی ناوەڕاست جوڵەیەک دەستی پێکردووە و ڕۆژانی گرژ چاوەڕوانمان دەکات”.

بابەتی پێشتر

زانایەکی ئەتۆمی ئێران کوژرا

بابەتی دواتر

فرۆشتنی پێشوەختی نەوت عێراق دەگەیەنێت بەچی؟

بابەتی پەیوەندیدار
Total
1
Share