سەرۆكی هاوپەیمانیی فەتح ڕایدەگەیەنێـت، چێوەی هەماهەنگی لە چەند ڕۆژی داهاتوودا كاندیدی سەرۆك وەزیرانی عێراق یەكلادەكاتەوە.
هادی عامری، سەرۆكی هاوپەیمانیی فەتح چێوەی هەماهەنگی لە لێدوانێكی ڕۆژنامەوانیدا كە بژاردەباغ نێردراوی تۆڕی میدیایی ئێستا لە بەغداد ئامادەی بوو ڕایگەیاند، لە چەند ڕۆژی داهاتوودا كاندیدی سەرۆك وەزیران یەكلادەكاتەوە و گەشبینم كە دەگەینە چارەسەری كۆتایی و لەسەر ئەو پرسانەش بێئومێد نیم بە ئەرێنی وەریدەگرم.
لەسەر پۆستی سەرۆك كۆماریش گەشبینیم یەكێتی و پارتی بگەنە ڕێككەوتن و خۆ ئەگەر لەسەر دانانی كەسێك بۆ سەرۆك كۆماری نوێی عێراق ڕێكنەكەون لەسەر میكانیزمەكەی هەر ڕێكدەكەون.
