ئەمڕۆ دووشەممە ڕۆژنامەنووس ئەیوب وەرتی، لەلایەن دادگای هەولێرەوە بڕیاری دەستگیركردنی بۆ دەرچوو.
دەستگیركردنەكە بەهۆی كارێكی ڕۆژنامەوانییەوە بووە بۆ ئەو كەناڵەی لە ئێستادا ئەیوب وەرتی كاری تێدا دەكات.
ئەیوب وەرتی پێشتر لە تۆڕی میدیایی ئێستا كاریكردووە، بۆیە تۆڕەكە پشتگیریی تەواوی وەرتی دەكات و داوای دەستبەجێ ئازادكردنی كرد.
تۆڕی میدیایی ئێستا نیگەرانیی خۆی دەربڕیبوو لەوەی دادگای هەولێر بەپێی یاسا و ڕێكارە باوەكانی كاری ڕۆژنامەوانی مامەڵەی لەگەڵ دۆسیەكەی ئەیوب وەرتی و چەندین ڕۆژنامەنووسی دیكەدا نەكردووە، تەنانەت ئەمڕۆ كەلەپچەیان لە دەستی ئەیوب وەرتی كردووە و وێنەكەشی بڵاوكراوەتەوە.
پەیامنێرمان لە شاری هەولێر ڕایگەیاند، كەمێك لەمەوبەر ئەیوب وەرتی بە كەفالەت ئازادكراوە.
