بەهۆی کێشەیەکی کۆمەڵایەتییەوە لە گەڕەکی باروتخانە لە کەرکوک شەڕەتەقە دروستبوو، بەهۆیەوە دوو کەس برینداربوون.
بەپێی زانیارییەکانی تۆڕی میدیایی ئێستا ئەمشەو 26 ی تشرینی دووەم لە سێ گەڕەکی شاری کەرکوک دەنگی تەقە بیستراوە و لە گەڕەکی باروتخانە بەهۆی کێشەیەکی کۆمەڵایەتییەوە دوو ماڵ کە دراوسێی یەکن تەقەیان لەیەک کردووە و دوو کەس برینداربوون.
لە گەڕەکی باروتخانە لە نزیک مزگەوتی هاوکاری، بەهۆی قەرزەوە دەمەقاڵێ لەنێوان دوو ماڵدا دروستبووە و دواتر تەقەیان لەیەکتر کردووە.
هەر ئەمشەو بەهۆی کێشەی کۆمەڵایەتییەوە لەهەردوو گەڕەکی ڕەحیماوا و ئیسراو مەفقودینیش لە کەرکوک دەنگی تەقەبیستراوە.
