ڕووداوێكی هاتوچۆ لەسەر ڕێگای دەربەندیخان – زەڕایەن ڕوویدا و بەهۆیەوە كەسێك گیانیلەدەستدا و كەسێكیش برینداربوو.
بەیانیی ئەمڕۆ پێنجشەممە، لەسەر ڕێگای دەربەندیخان – زەڕایەن لە نزیك گوندی میرەدێ، ڕووداوێكی هاتوچۆ لە جۆری پێكدادان لەنێوان بارهەڵگرێك و ئۆتۆمبێلێكی پیك ئاب- دا ڕوویدا، بەهۆیەوە كەسێك گیانیلەدەستدا كە سەرنشینی بارهەڵگرەكە بوو، شۆفێری بارهەڵگرەكە برینداربوو.
بەشێكی زۆر لە ڕووداوەكانی هاتوچۆی نێوان دەربەندیخان و سلێمانی، لە نزیك گوندی میرەدێ ڕوودەدەن و هۆكارەكەشی هەڵكەوتەی جوگرافیی شوێنەكە و خراپیی شەقامەكەیە.
