پۆلیسی سلێمانی بڵاویكردەوە، مەفەرەزەكانیان تۆمەتبارێكیان دەستگیركردووە كە كێبڵی كارەبای كۆمپانیایەكی دزیبوو.
لە ڕاگەیەندراوێكدا بە ڕێوەبەرایەتیی پۆلیسی سلێمانی ئاماژەی بەوەكردووە، دوای ئەوەی هاوڵاتییەك سكاڵای تۆماركرد كە لە كۆمپانیاكەی كێبڵی كارەبای لێدزراوە ، هێزەكانی پۆلیس لێكۆڵینەوەكانیان دەستپێكردوو دوای كۆكردنەوەی زانیاریی و بەدواداچوون توانرا لە لایەن نوسینگەی نەهێشتنی تاوانی ڕزگارییەوە بەهاوكاری مەفرەزەكانی بەشی پۆلیسی فریاكەون تۆمەتبار بدۆزرێتەوەو دەستگیربكرێت .
باسی لەوەشكردووە، لەئێستادا تۆمەتبار ( ع ، ع ، ح لەدایكبووی 2004 ) بەبڕیاری دادوەرو بەپێی ماددەی 443 لەیاسای سزادانی عێراقی ڕاگیراوە و لێكۆڵینەوە لەگەڵیدا بەردەوامە .
