سەنیدکای ڕۆژنامەنووسان ئاماری پێشێلکارییەکانی شەش مانگی ڕابردووی بڵاوکردەوە

سەندیکای ڕۆژنامەنووسانی کوردستان ئەمڕۆ دووشەممە، ئاماری پێشێلکارییەکانی بەرامبەر ڕۆژنامەنووسان و دەزگاکانی ڕاگەیاندن لە 1ی کانونی دووەمی ئەمساڵ تاوەکو 31ی حوزەیران بڵاوکردەوە، بەپێی ئامارەکە 22 حاڵەتی پیشێلکاری بەرامبەر 62 ڕۆژنامەنووس و دەزگای ڕاگەیاندن تۆمارکراون.

سەندیکای ڕۆژنامەنووسانی کوردستان لە ئامارەکەدا ئەوەی ئاشکراکردووە، کە کۆی حاڵەتەکانی پێشێلکاری بەرامبەر ڕۆژنامەنووسان لە شەش مانگی ڕابردوودا 22 حاڵەت بووە، کۆی ئەو دەزگا و ڕۆژنامەنووسانەی پێشێلکارییان بەرامبەر کراوە، 62 دەزگا و ڕۆژنامەنووس بوون.

بەپێی ئامارەکە، ژمارەی حاڵەتەکانی دەستگیرکردنی ڕۆژنامەنووسان دوو حاڵەت بووە، کە تێیدا 10 ڕۆژنامەنووس دەستگیرکراون، ڕێگەنەدان بە ڕووماڵکردن و جیاکاری لەنێوان میدیاکان هەشت حاڵەت بووە، کە 20 ڕۆژنامەنووس جیاکارییان بەرامبەر کراوە.

هەروەها شکاندن و دەستبەسەرداگرتنی کەلوپەلی ڕۆژنامەوانی سێ حاڵەت بووە کە بەرامبەر نۆ ڕۆژنامەنووس ئەنجامدراوە، هێرش و سوکایەتیکردن بە ڕۆژنامەنووسان چوار حاڵەت و بەرامبەر هەشت ڕۆژنامەنووس کراوە.

لە ئامارەکەی سەندیکای ڕۆژنامەنووساندا هاتووە، یەک حاڵەتی هەڕەشەکردن لە ڕۆژنامەنووسان تۆمارکراوە کە بەرامبەر دوو ڕۆژنامەنووس کراوە، دەرکردنی ڕۆژنامەنووس لە کارەکانیان دوو حاڵەت بووە و یانزە ڕۆژنامەنووس دەرکراون.

هەروەها یەک حاڵەتی دەخستنی نوسینگە و کەناڵ تۆمارکراوە، هێرشکردنە سەر کەناڵ و ڕاگرتنی یەک حاڵەت بووە بەرامبەر دوو دەزگای ڕۆژنامەوانی ئەنجامدراوە.

بابەتی پێشتر

سلێمانی.. بەرپرسیاری تەقینەوەی كافتریای لیلی دەستگیركرا

بابەتی دواتر

پۆلیسی ڕاپەڕین: ئەو ماڵەی شەوی ڕابردوو تەقەی لێکرا ماڵی سلێمان هەڵشۆیی نییە

بابەتی پەیوەندیدار
زیاتر ببینە

سلێمانی.. تۆمەتبارێك دەستگیركرا

پۆلیسی سلێمانی ئاشكرایكرد، تۆمەتبارێكیان دەستگیركردووە كە “تەقەی لە هاوڵاتییەك كردبوو و هەڵهاتبوو”. لە ڕاگەیەندراوێكدا ئەمڕۆ شەممە 13ی شوبات،…
Total
0
Share