قوباد تاڵەبانی جێگری سەرۆکی حکومەتی هەرێمی کوردستان ئەمڕۆ دوو نەخۆشخانەی لە شاری سلێمانی کردەوە، دەڵێت، کەرتی تەندروستیی سلێمانی باشترینە لەسەر ئاستی عێراق.
لە ڕاگەیەندراوێکدا دوای کردنەوە دوو نەخۆشخانەی کۆئەندامی هەرس و جگەری فێرکاری و نەخۆشخانەی دکتۆر جەمال ئەحمەد ڕەشید تایبەت بە منداڵان لە سلێمانی قوباد تاڵەبانی ڕایگەیاند، ” کەرتی تەندروستیی پارێزگای سلێمانی بە هەوڵ و هیمەتی بەڕێوەبەران و پزیشکان و کارمەندەکانی باشترینە لەسەر ئاستی عێراق”.
ئاماژەی بەوەکردووە، ئاگاداری کەموکورتییەکانن لە کەرتی تەندروستی و وتی، “کار و پڕۆژەی گەورەترمان بە دەستەوەیە و بە پشتبەستن و بە هاوکاریی پزیشک و کارمەندە بە تواناکانمان بەرەو ئامانجەکانمان هەنگاو دەنێین”.
