لە ڕووداوێكی تەقەكردندا لە ناوچەی تانجەرۆ لە شاری سلێمانی دوو كەس برینداربوون كە برینی یەكێكیان سەختە و ڕووداوەكەش بەهۆی شەڕەتۆپەڵەوە بووە لە وەرزی زستانی ڕابردوودا.
پەیامنێری تۆڕی میدیایی ئێستا گواستیەوە ئەمڕۆ شەممە، لە ناوچەی تانجەرۆ لە شاری سلێمانی دوو كەس برینداربوون كە بران و لەلایەن كەسێكەوە تەقەیان لێكراوە برینداربوون و بەپەلە ڕەوانەی نەخۆشخانەی شار لە سلێمانی كراون، لە ئێستادا یەكێكك لە بریندارەكان برینەكەی سەختە.
ئاشكرایكرد، ڕووداوەكە پەیوەندی بە شەڕەتۆپەڵەوە هەبووە كە یەكێك لە بریندارەكان خوێندكاری زانكۆ بووە و لە كاتی شەڕەتۆپەڵدا لە وەرزی زستانی ڕابردوودا دەمەقاڵەیەك دروستبووە و ئەمڕۆ جارێكی دیكە ئەو كێشەیە سەریهەڵداوەتەوە و كەسێك تەقەی لەو دوو برایە كردووە و هەردووكیانی برینداركردووە.
