ئاژانسەکان: هێرش کرایە سەر کەشتییەکی نەوتهەڵگر

کۆمپانیایەکی ئاسایشی دەریایی ئاشکرایکرد، کەشتییەکی نەوتهەڵگری یۆنانی لە بەندەرێکی سعودییە بە بۆمب هێرشی کراوەتەسەر.

ئاژانسی ڕۆیتەرز لە زاری کۆمپانیای ئامبەری بەریتانی بۆ ئاسایشی دەریایی، ئەمڕۆ چوارشەممە 25ی تشرینی دووەم ڕایگەیاندووە، کەشتییەکی نەوتهەڵگری یۆنانی بە بۆمب هێرشی کراوەتەسەر و زیان بەر کەشتییەکە کەوتووە.

کۆمپانیاکە ئاماژەی بەوەکردووە، “کەشتیی MT Agrari ئاڵای ماڵتای هەڵکردووە و سەربە کۆمپانیای T.M.Sی یۆنانی بووە”.

ئاژانسی ڕۆیتەرز هیچ زانیارییەکی زیتری لەبارەی ڕوداوەکە و بەندەرەکەی سعودییە بڵاونەکردووەتەوە.

بەپێی هەواڵێکی ئاژانسی ئەسۆشەیتد پرێس، لە كەنارى دەرياى سوور لە شارى ئەلشاقيق لەنزيك سنوورى يەمەن کەشتییەکە ڕوبەڕووی هێرش بووەتەوە.

لە ڕاگەیەنراوێکدا کۆمپانیای Agrari ڕایگەیاندوو کە کەشتییەکیان لە بەندەرێکی سعودییە ڕوبەڕووی هێرش بووەتەوە لەلایەن کەسانی نەناسراوەوە.

بابەتی پێشتر

حکومەتی هەرێمی کوردستان بە نامەیەک داوای پشکی چوار مانگی هەرێم لە حکومەتی عێراق دەکات

بابەتی دواتر

مارادۆنا له‌ ته‌مه‌نی 60 ساڵیدا کۆچی دواییکرد

بابەتی پەیوەندیدار
Total
0
Share