ههردوو وهزارهتی دهرهوه و گهنجینهی ئەمریكا سزای نوێیان بەسهر ژمارهیهك قهواره و بهرپرسی دیكهی ڕوسیا سەپاند.
ئهنتۆنی بلینكن، وهزیری دهرهوهی ئهمریكا لە كۆنگرەیەكی ڕۆژنامەوانیدا ڕایگهیاند، سزای بهسهر 45 قهواره و 29 كهسدا سهپاندووه، یهكێك لهوانەش قهوارهیهكی دهرهوهی ڕوسیایه، ئهویش بههۆی پێشكهشكردنی پشتیوانیی دارایی به قهوارهیهكی قهدهغهكراوی ڕوسیا، كه كاری كڕینی مادده و كهرهستهی خاو بۆ پیشهسازی بهرگریی ڕوسیا دهكات.
باسی لەوەشكرد، وهزارهتەكەیان ئهو یهكه سهربازییانهی ڕوسی دهستنیشان دهكات، كه به بهڵگهوه له پێشێلكردنی مافی مرۆڤ و یاسای مرۆیی نێودهوڵهتییهوه تێوهگلاون.
بلینكن ئاشكراشیكرد، بههۆی ههڕهشهكردنیان یان پێشێلكردنی سهروهری ئۆكرانیا و سهلامهتی ههرێمایهتی و سهربهخۆیی سیاسی، پێدانی ڤیزایان به 511 ئهفسهری سهربازی ڕوسی سنوورداركردووه.
جەختیشی كردەوە، نووسینگهی چاودێریكردنی دارایی بیانی هاوردهكردنی ئاڵتوونی ڕوسیی بۆ ئهمریكا قهدهغهكردووه.
