د. كاوان ئیسماعیل، ڕاگری كۆلێژی یاسای زانكۆی سەڵاحەدین، كە لەلایەن خوێندكارێكەوە تەقەیلێكرابوو و بریندار كرا، بەهۆی سەختیی برینەكەیەوە گیانیلەدەستدا.
ئومێد خۆشناو پارێزگاری هەولێر لەبارەی ڕووداوی تەقەكردنەوەی ئەمڕۆوە قسەی بۆ میدیاكان كرد، ڕایگەیاند، ئەو كەسەی تەقەیكردووە خوێندكاری زانكۆی سۆران بووە و فەسڵ كراوە، هەوڵیداوە لە زانكۆی سەڵاحەدین وەربگیرێت، بەڵام بۆینەكراوە، بۆیە هەڕەشەی لە مامۆستایان كردووە.
پارێزگاری هەولێر ئاشكراشیكرد، د. كاوان ئیسماعیل، ڕاگری كۆلێژی یاسای زانكۆی سەڵاحەدین، كە لەلایەن خوێندكارەكەوە تەقەیلێكرابوو و بریندار كرا، پێنج گوللـەی پێوەنراوە و بەهۆی سەختیی برینەكەیەوە گیانیلەدەستدا.
ئەو خوێندكارە هەر ئەمڕۆ مامۆستایەكی دیكەی زانكۆی سەڵاحەدینی لە ماڵەكەی خۆیدا كوشتبوو.
