بومەلەرزەیەكی بەهێز ئاوەكانی كەنداوی لە باشووری ئێران هەژاند، هێشتا زانیاری لەبارەی زیانەكانیەوە نییە، بەڵام بەهۆی بەهێزییەكەیەوە بەشێك لە دانیشتووانی وڵاتی ئیمارات-ی هاوسێی هەستیانپێكرد.
تەلەفزیۆنی ئێران ڕایگەیاند، گوڕی بومەلەرزەكە 5.6 پلە بووە بەیانی ئەمڕۆ لەنێوان بەندەری شاراك و دورگەی كیش لە قوڵایی 22 كیلۆمەتر ڕوویداوە.
بەپێی ناوەندی تۆماری بومەلەرزەی ئەوروپای ناوەندیش گوڕەكەی 5.7 پلە بووە و باشووری ئێران-ی گرتووەتەوە و لە قوڵایی هەشت كیلۆمەتری ژێر زەویدا بووە.
بەرپرسان بە تەلەفزیۆنەكەیان ڕاگەیاندووە هەمان ناوچە نزیكەی 100 بومەلەرزەی لە 10 ڕۆژی ڕابردوو تیا ڕوویداوە.
چوارشەممەی ڕابردووش بومەلەرزەیەك بە گوڕی 6.1 پلە ئەفغانستان-ی هەژاند، بەهۆیەوە زیاتر لە هەزار كەس گیانیان لەدەستدا و زیاتر لە 600ی دیكەش برینداربوون.
