ڕووداوێكی هاتوچۆ لە هەولێر چەند پێكدادانێكی بەدوای خۆیدا هێنا و وتەبێژی پۆلیسی هاتوچۆ ڕوونكردنەوە دەدات.
فازڵ حاجی وتەبێژی بەڕێوەبەرایەتیی گشتیی هاتوچۆی هەولێر ڕایگەیاند، “نەهێشتنەوەی ماوەی بێوەیی و تیژڕۆیی، هەمیشە هۆکارن بۆ نانەوەی کارەسات”.
وتەبێژی بەڕێوەبەرایەتیی گشتیی هاتوچۆی هەولێر دەڵێت، “کاتژمێر چواری ئێوارەی ئەمڕۆ، لەسەر شەقامی 60 مەتری بی ئێمێکی تایبەت لەبەر نەهێشتنەوەی ماوەی بێوەیی وتیژڕۆیی، خۆی کێشا بە دواوەی نیسانێکی تاکسیدا”.
فازڵ حاجی ئاشكرایكرد، لە دەرئەنجامی ڕووداوەكەدا تاکسییەکە کۆنترۆڵی لەدەستدا و بەسەر ناوبڕەی شەقامەکەدا کەوت و خۆی کێشا بە ستوونێکی کارەبادا و ستوونەکەی بەردایەوە و کەوتەسەر سەقفی ئۆتۆمبێلێکی دۆجی تایبەت”.
وەك وتەبێژی هاتوچۆی هەولێر ڕایگەیاندووە، بەهۆی ڕووداوەکەوە شوفێری تاکسییەكە برینداربووە و سێ ئۆتۆمبێلیش زیانی ماددییان بەرکەوت، لەگەڵ ستوونێکی کارەبا و چەند درەختێكی سەر شەقامەكە.
