بەڕێوەبەرایەتیی ئاسایشی سلێمانی دەستگیركردنی كەسێكی بە تۆمەتی بازرگانیكردن بە ماددەی هۆشبەرەوە ڕاگەیاند كە ڕووبەڕووی هێزەكانی ئاسایش بوو بۆوە.
بەپێی ڕاگەیەندراوێكی بەڕێوەبەرایەتیی ئاسایشی سلێمانی كە وێنەیەكی بۆ تۆڕی میدیایی ئێستا نێردراوە و تێیدا هاتووە، ھێزەكانی بەڕێوەبەرایەتیی ئاسایشی پارێزگای سلێمانی، لەسەر ڕاسپاردە و ڕێنماییەكانی سەرۆكی دەزگای ئاسایشی ھەرێم و بە فەرمانی دادوەر شەوی ڕابردوو لەسەر ڕێگەی سەرەكيی نزیك ( گەڕەكی تاسلوجە)ی شاری سلێمانی، دوای كۆكردنەوەی زانیاری و چاودێریكردنی وورد،ڕووبەڕووبوونەوە لەنێوان ھێزەكانی ئاسایش تۆمەتبارەكە دروستبوو، توانیان بازرگانێكی ماددەی ھۆشبەر دەستگیربكەن كە بڕی 32 كیلۆ گرام ماددەی ھۆشبەر لە جۆری كریستاڵ پێبوو و تۆمەتبار لەدەرەوەی ھەرێمی كوردستان هێناوێتیە ناو شاری سلێمانی و بەنیازبووە بیبات بۆ شاری ھەولێر، دوای بەئامانج گەیاندنی كارەكەی، دەستگیر كرا و ماددە ھۆشبەرەكەش دەستی بەسەردا گیرا، تۆمەتبار بەپێی ماددەی 25 لە یاسای ماددە ھۆشبەرەكان ڕاگیراوە.
لە ڕاگەیەندراوەكەدا هاتووە، “داوای لێبوردن لە ھاوڵاتییانی شاری سلێمانی بەگشتی و ھاوڵاتییانی گەڕەكی تاسڵوجە بەتایبەتی دەكەین كە لەكاتی ئەم چالاكییەدا، بۆماوەیەكی كاتی تەقە دروست بووە.
