وەزارەتی پەروەردەی حکومەتی هەرێمی کوردستان کاتی ناو تۆمارکردنی منداڵانی بۆ پۆلی یەکەمی بنەڕەتی دیاریکرد، ماوەی یەک مانگیش وەرگرتنیان بەردەوام دەبێت.
لە ڕاگەیەندراوێکدا وەزارەتی پەروەردەی حکومەتی هەرێمی کوردستان ئاشکرایکرد، پڕۆسەی وەرگرتنی منداڵان (خوێندکاران و قوتابیان) لە 26/6/2022ـەوە دەستپێدەکات و تاوەکو 26/7/2022 بەردەوام دەبێت.
لە ڕاگەیەندراوەکەدا هاتووە، ناو تۆمارکردن لە سەرجەم قوتابخانە حکومی و ناحکومییەکان لەو ماوەیەدا دەبێت، ئەو ماوەیەی وەزارەتی پەروەردە دیاریکردووە قوتابخانە نێودەوڵەتی و بیانییەکان ناگرێتەوە.
