نێیمار دا سیلڤای ئەستێرەی هەڵبژاردەی بەڕازیل، درێسی ژمارە (10) ی ئەفسانەیی پێشکەشی ڕۆدریگۆی یاریزانی لاوی یانەی ڕیاڵ مەدرید کردووە.
ڕۆدریگۆ لە چاوپێکەوتنێکدا بە (Podpah) ی ڕاگەیاندووە، “نێیمار پێی وتم، بێگومان لە داهاتوودا پێکهاتەی بەڕازیل بەجێدەهێڵم و ژمارە 10 دەبێتە موڵکی تۆ، بەڵام من نەمزانی چی وەڵام بدەمەوە، هەستم بە شەرمەزاری کرد، زەردەخەنەیەکم کرد و نەمزانی بە شێوەیەکی دروست چی پێ بڵێم.”
لاوە بەهرەدارەکەی ڕیاڵ مەدرید دەڵێت، “بە نێیمارم وت، کە دەبێت زیاتر بەردەوام بێت لەگەڵماندا، ژمارە 10م ناوێت و ناشمەوێت ئەو بڕیارە بدات، دوای وەڵامەکەم دەستی بە پێکەنین کرد.”
ژمارە (10) ی سیلیساو ژمارەیەکی ئەفسوناوییە، پێشتر ناودارانی وەک پیلێ، ڕۆناڵدینیۆ، زیکۆ، ڕیڤاڵدۆ و ئێستاش نێیمار پۆشیویانە.
ڕۆدریگۆ لە پێکهاتەکانی لاوانی بەڕازیل ژمارە 10ی پۆشیوە، بەڵام لەسەر ئاستی هەڵبژاردەی یەکەم و یانەی ڕیاڵ هەرگیز نەیتوانیوە بە ژمارە دڵخوازەکەی بگات.
